Sustanzi kimiċi: Il-Kummissjoni tfittex fehmiet pubbliċi dwar is-simplifikazzjoni u d-diġitalizzazzjoni tat-tikketti

Il-Kummissjoni nediet konsultazzjoni pubblika dwar is-simplifikazzjoni u d-diġitalizzazzjoni tat-tikkettar tal-prodotti kimiċi bħal kolol, deterġenti tal-ħasil tal-ħwejjeġ u tal-platti, prodotti fertilizzanti. It-tikketti li jakkumpanjaw il-prodotti huma l-mezz primarju biex tiġi kkomunikata l-informazzjoni essenzjali lill-utenti, inkluża l-informazzjoni dwar il-periklu u s-sigurtà u l-istruzzjonijiet dwar l-użu tal-prodott.

Iżda, il-Kontroll tal-Idoneità tal-leġiżlazzjoni l-aktar rilevanti dwar il-kimiċi (eskluż REACH) u, l-evalwazzjoni tar-Regolament dwar id-Deterġenti wera li l-komprensjoni tat-tikketti u konsegwentement il-protezzjoni tal-konsumatur jistgħu jittejbu aktar billi jiġi evitat li t-tikketti jkunu mgħobbija żżejjed b'informazzjoni, li ħafna drabi tkun teknika. Il-konsultazzjoni pubblika se tiġbor feedback dwar esperjenza u opinjonijiet minn konsumaturi, utenti professjonali tal-prodotti, industrija, organizzazzjonijiet tas-soċjetà ċivili, awtoritajiet nazzjonali u kwalunkwe parti oħra interessata. 

Ir-riżultati se jiddaħħlu fil-kunsiderazzjonijiet tal-Kummissjoni għal proposti dwar reviżjoni tar-Regolamenti dwar il-Klassifikazzjoni, it-tikkettar u l-ippakkjar ta' sustanzi u taħlitiet (CLP), u Deterġenti u Prodotti Fertilizzanti, mistennija fl-2022. Il-konsultazzjoni pubblika hija disponibbli hawn u huwa miftuħ sas-16 ta’ Frar 2022.

Aqsam dan l-artikolu: