Ir-Rappreżentant Għoli tal-UE tgħid li l-vot tan-NU se jkun il-mument biex tiġi ttestjata t-'temperatura' fuq l-aggressjoni Russa

Wara l-Kunsill Straordinarju tal-Affarijiet Barranin ta' llum wara nofsinhar, ir-Rappreżentant Għoli tal-UE Josep Borrell kellu konferenza stampa fejn spjega s-sanzjonijiet tal-UE. Saħaq ukoll li r-Russja qed tiffaċċja kundanna internazzjonali għall-attakk illegali u aggressiv tagħha fuq l-Ukrajna. 

"Qegħdin jimmobilizzaw appoġġ għall-vot fil-Kunsill tas-Sigurtà tan-Nazzjonijiet Uniti illejla," qal Borrell. “Aħna nafu li r-Russja se tagħmel veto għal din il-proposta, iżda mbagħad tmur għall-Assemblea Ġenerali u hemm ikollna t-temperatura. Naraw kemm nies jappoġġjaw din il-kundanna tal-attitudni aggressiva tar-Russja”

Sabiex jipprepara l-proċess Borrell tkellem mal-ministri tal-affarijiet barranin taċ-Ċina, l-Indja u oħrajn. Huwa enfasizza li l-vot huwa dwar ir-rispett tar-regoli internazzjonali u l-Karta tan-Nazzjonijiet Uniti, mhux biss l-Ukrajna. 

“Putin nieda l-gwerra tiegħu kontra ġar waqt sessjoni ta’ emerġenza tal-Kunsill tas-Sigurtà tan-Nazzjonijiet Uniti. Juri r-rispett li għandha r-Russja lejn dawn l-istituzzjonijiet. U issa saħansitra qed jattakkaw verbalment lis-Segretarju Ġenerali tan-NU, is-Segretarju Ġenerali tan-Nazzjonijiet Uniti qed jiġi attakkat mir-Russja talli tkellem favur il-paċi u r-rispett tar-regoli internazzjonali. Dan huwa dwar in-Nazzjonijiet Uniti.”

Aqsam dan l-artikolu: