L-UE tħabbar appoġġ ġdid għat-tranżizzjoni tal-Ukraina

Bi tweġiba għall-urġenza ta' mobilizzazzjoni ta' assistenza li tikkontribwixxi għall-istabbilizzazzjoni u l-iżvilupp tal-Ukrajna, il-Kummissjoni Ewropea llum adottat pakkett ta' appoġġ speċjali li jiswa €365 miljun. Dan il-pakkett se jgħin fit-tranżizzjoni tal-pajjiż u jagħti spinta lir-rwol tas-soċjetà ċivili, billi jippromwovi u jimmonitorja r-riformi demokratiċi u l-iżvilupp soċjoekonomiku inklużiv fl-Ukraina.

Il-programm huwa kundizzjonali, soġġett għal progress fir-riformi fl-oqsma li ġejjin: il-ġlieda kontra l-korruzzjoni, l-amministrazzjoni pubblika, ir-riforma kostituzzjonali, il-leġiżlazzjoni elettorali u r-riforma tal-ġustizzja. L-ewwel ħlasijiet huma mistennija li jsiru wara l-iffirmar tal-Ftehim ta’ Finanzjament mill-Kummissjoni Ewropea u l-gvern Ukren.

Il-Kummissarju għall-Politika Ewropea tal-Viċinat Štefan Füle, qal: “L-UE mhux biss qed issegwi mill-qrib l-avvenimenti fl-Ukrajna u tesprimi r-rieda tagħha li tappoġġjaha, iżda qed tagħti wkoll riżultati bl-atti. Bil-pakkett ta' assistenza tal-lum qed inħeġġu u nappoġġaw lill-awtoritajiet Ukraini biex ikomplu bir-riformi u fil-proċess ta' żvilupp nazzjonali inklużiv. Dan il-pakkett se jappoġġja wkoll l-Aġenda Ewropea għar-Riforma, diskussa reċentement mal-awtoritajiet Ukraini.”

Sfond

Il-Miżuri Speċjali 2014 għall-Ukrajna huma parti mill-pakkett ta’ appoġġ imħabbra mill-President Barroso fil-5 ta’ Marzu (ara l-link hawn taħt), u jinkludu żewġ azzjonijiet:

1. Kuntratt tal-Bini tal-Istat (€355m)

Il-Kuntratt tal-Bini tal-Istat fil-forma ta’ appoġġ baġitarju se jipprovdi appoġġ finanzjarju fi żmien qasir biex jappoġġja l-proċess ta’ tranżizzjoni. L-għan ġenerali huwa li jingħata appoġġ lill-gvern tal-Ukrajna fl-indirizzar ta' problemi ekonomiċi għal żmien qasir u fit-tħejjija għal riforma fil-fond fil-kuntest ta' assoċjazzjoni politika u integrazzjoni ekonomika mal-UE fuq il-bażi tal-Ftehim ta' Assoċjazzjoni/Żoni ta' Kummerċ Ħieles Komprensivi Profondi permezz appoġġ għal governanza mtejba, il-ġlieda kontra l-korruzzjoni, ir-riforma tal-ġudikatura u r-riforma tal-amministrazzjoni pubblika.

reklam

L-ewwel ħlasijiet (€250m) huma mistennija li jsiru ftit wara l-iffirmar tal-Ftehim ta’ Finanzjament mill-gvern Ukren.

2. Appoġġ għas-soċjetà ċivili (€10 miljun)

Il-Programm ta' Appoġġ għas-Soċjetà Ċivili se jakkumpanja u jikkumplimenta l-appoġġ ipprovdut lill-Ukrajna taħt il-Kuntratt tal-Bini tal-Istat, biex jissaħħaħ ir-rwol tas-soċjetà ċivili; il-promozzjoni u l-monitoraġġ tar-riformi demokratiċi u l-iżvilupp soċjoekonomiku inklużiv fl-Ukraina. L-azzjoni se tiġi implimentata permezz ta’ sejħiet għal proposti għal azzjonijiet ta’ finanzjament implimentati minn organizzazzjonijiet tas-soċjetà ċivili u permezz ta’ assistenza teknika li tipprovdi taħriġ u pariri dwar appoġġ għal djalogu strutturat bejn l-awtoritajiet u s-soċjetà ċivili.

L-Aġenda Ewropea għar-Riforma

Il-Kummissarju Füle vvjaġġa lejn Kiev fl-24 ta' Marzu, u mexxa delegazzjoni tal-Kummissjoni ta' livell għoli, sabiex jaħdem mal-awtoritajiet Ukraini fuq għadd ta' riformi li huma meħtieġa kemm fil-qasam tal-istituzzjonijiet demokratiċi kif ukoll tal-ekonomija.

Wara diskussjonijiet mal-awtoritajiet Ukraini, qed tiġi stabbilita Aġenda Ewropea għar-Riforma biex tqabbel l-appoġġ tal-UE għal żmien qasir u medju mal-ħtiġijiet tal-Ukrajna.

Il-Kummissjoni Ewropea ddeċidiet ukoll li toħloq Grupp ta' Appoġġ għall-Ukraina biex jipprovdi punt fokali, struttura, ħarsa ġenerali u gwida għall-ħidma tal-Kummissjoni biex tappoġġja lill-Ukraina.

Aktar informazzjoni

Website tal-Kummissarju Stefan Füle
Websajt tad-DĞ Żvilupp u Kooperazzjoni - EuropeAid (Sħubija tal-Lvant webpage)
Delegazzjoni tal-Unjoni Ewropea għall-Ukraina
MEMO/14/159: L-appoġġ tal-Kummissjoni Ewropea għall-Ukraina

Aqsam dan l-artikolu: