negozjati samit UE jrendu l-ebda progress jgħidu Ħodor

Iltaqgħu llum fis-summit tal-UE fi Brussell, il-kapijiet tal-istat u tal-gvern tal-UE naqsu milli jaslu għal xi deċiżjoni dwar l-unjoni bankarja jew dwar il-politika barranija u tas-sigurtà komuni, jgħid il-grupp tal-Ħodor/EFA.

F'kumment dwar is-summit, il-President tal-Ħodor/EFA Rebecca Harms qalet: "Dan huwa summit ieħor tal-UE li ma pproduċa l-ebda riżultat. Il-mexxejja jidhru li huma wisq timidi biex jieħdu xi deċiżjoni ċara. It-tnaqqis tal-klassifikazzjoni tal-kreditu tal-UE minn Standard and Poor's juri li l-mexxejja tal-UE għadhom qed ifallu fl-immaniġġjar tagħhom tal-kriżi Hija wkoll evidenza ċara tad-dgħufijiet fil-proċessi tat-teħid tad-deċiżjonijiet tal-UE.

"Barra minn dan, id-deċiżjonijiet dwar ir-riżoluzzjoni bankarja huma 'l bogħod milli biżżejjed biex tiġi indirizzata l-problema tad-dejn bankarju. Il-fond li għandu jitwaqqaf għall-bailout bankarju huwa żgħir meta mqabbel mar-riskji latenti fis-settur bankarju. Jekk qatt wieħed mill-akbar Il-banek Ewropej ifallu, dawn il-fondi mhux se jkunu bi]]ejjed It-te[id tad-de/i]jonijiet dwar l-istral` tal-banek g[andu jsir minn awtorità kompetenti tal-UE.Jekk it-teħid tad-de/i]jonijiet f’dan il-qasam jibqa’ taħt l-influwenza tal-istati membri, hemm ir-riskju li se jkun ferm aktar diffiċli li jiġu ttrattati b'mod effettiv il-banek li qed ifallu.

"Lanqas ma kien hemm progress dwar il-politika barranija u ta' sigurtà komuni. Madankollu, l-UE teħtieġ b'mod urġenti strateġija li tippermettilha tirrispondi malajr għall-kriżijiet. Il-Ħodor jissottolinjaw li taħt l-ebda ċirkostanza l-baġit tal-UE m'għandu jintuża għal proġetti ta' difiża bħal drones. Fondi maħsuba għar-riċerka ċivili m'għandhomx jiġu ddevjati għal proġetti militari. L-idea li tgħaqqad l-oqsma tal-politika tad-difiża u l-ġestjoni tal-fruntieri esterni tal-UE hija ċinika meta wieħed iqis l-avvenimenti reċenti f'Lampedusa."

Aqsam dan l-artikolu: